دیوان الشعر الاهوازی لل شاعر جاسم ثعلبی

اشعار عربیه حب و غرام و ابوذیان و رثاء الایمه

ابوذیات نادرات

ابوذیات نادرات

اسنان امن الفرس باچن ولاچن

ابنداره او بالفخذ شاچن ولاچن

یریت الخان سلاچن ولاچن

ابردن و انتخن قبل المنیه

***

شحل شلضم شخیط الشات بالبات

طریح او شبّگ اهل الذات بالبات

اخیط اهمومی و الصعبات بالبات

رفیع او باید او یحتل علیه

***

حمل صایر علی هجرک و جربیه

اتحمّل و اصبر او اکتم و جربیه

بعض منشورک ایخبل و جربیه

وصی او لانی نبی او تمتحن بیه

***

خریرک هدم الدلال و انساب

تفلّش بالغضب باحباب و انساب

الچان اعنانک الخلاب وانساب

امسودن صرت و اتزود علیه

***

جرح عسّر علی دایم یلمنی

السبب محبوبی دگ رمحه یلمنی

تطشّر کل الم گلبی یلمنی

یرید الناس تتطمش علیه

***

الدهر خاتل غفل ضکنی و صدنی

دفعته اباول احلامی و صدنی

یصید اشرار یطعمنی و صدنی

یوکلنی الحرام او جاز الیه

***

 

جاسم ثعلبی (الحسانی) 26/01/1394


برچسب‌ها: ابوذیات نادرات
+ نوشته شده در  پنجشنبه بیست و هفتم فروردین ۱۳۹۴ساعت ۱۸:۱۲ بعد از ظهر  توسط جاسم ثعلبی حسانی الساری  | 

قصیده امک امک

قصیده امک امک

امک امک وطن للماعنده موطن

یا حنان ایدث عطرها

شمس واتنور الحیاة

او یا سفینه او شایله الهم ابسدرها

البحر یشهد

هل جفنها

الغاضب ابسطوا الطغات

نجمه تزهی

امعربه او زاید کرمها

عز شرفها

ایغرد ابکل اللغات

آه لو یثگل حملها

من تفگدک

امک امک

روعه حبها من تشمّک

***

حبها بلسم

امک البسمه ابشفایفها تنسّم

امک الدیوان مرسومه المضایف

امک الدله تذوق الغاشی گلبه

امک الگصبه التسف فی الصرایف

امک اعجوبه او شرب منبع ثدیها

امک الورده ابوصف حره الوصایف

امک اصوات الهلاهل شد عزمهه

امک الشاجور باس البندقیه او ما هو خایف

شرد اگول

اشلون افهمک

امک امک

عید عدها من تشمک

***

امک اتوصّی ابوصیه امک اتذیع الخبر

امک ارعیده او لمیعه امک اثیاب المطر

امک الکوثر نسبهه لا تعلّی او تنحدر

امک امتاع الطواری او لا تغاسی امن السفر

امک الدنیا او نسبهه امک اتحس ابخطر

گوم لبّس شیله لمک فکهه من ضیم السهر

گوم حنیهه ابزلفهه گوم خلهه اتدث ثمر

لا تاخر فرصه عندک گوم رجع الهه البصر

عمیه من اسنین عندک لیش تحرمها النظر

اتعدل او وفّی المحنه اتوکل او طوف العذر

جاک دورک وانت یمها ما هو منهه الّی یفر

غرد او دگ ثایه بیدک لا تخاف امن القدر

الدله و الفجان نادت قبل حسبات الشهر

الروح امانه امن الله عندک حوف موجات البحر

ابعزه موت احسن علیهه لا توسوس تنتحر

لا تلوم اللوم عاجز اکنس الباطل خضر

اقرا و انشر جیت اعلمک

امک امک

انهض الهه

 لا تذمک

امک امک

الجنه عدهه

من تشمّک

جیت ابشرک

***

شاعر الشعبی : جاسم ثعلبی (الحسانی) 20/01/1394

 

 


برچسب‌ها: قصیده امک امک
+ نوشته شده در  پنجشنبه بیستم فروردین ۱۳۹۴ساعت ۲۲:۷ بعد از ظهر  توسط جاسم ثعلبی حسانی الساری  | 

ابوذیات مغردات

ابوذیات مغردات

الولونی ما اود حنهم ولاهم

اذا ترکونی ما احسّب ولاهم

لا ناسی تحب ضلهم ولاهم

اثنین اجناب ما تلتم سویه

***

یون گلبی اشعلامه ونته منه

یود بیت السعاده ونته منه

اگل للقاسی گلبه ونته منه

ابسفینه انموت لو ننجح سویه

***

هواک ایشم عطر منه و دلنه

وصالک لابد ایمرنه و دلنه

نسیت البیر کنت النه ودلنه

او زلال الساگیه ایعزب الضمیه

***

انرسم حبک ابگلب الضان و اکفان

او غسل دم العجز و الخان و اکفان

ارسلت للی غدرنه احزان و اکفان

ابعجل نرجاک مفروشه الثنیه

***

الجروح اهوای اذنّی و انا حی

اسنین المضن لچمنی وناحی

هوا العاصف نقل صوتی و ناحی

ارید اسعاف لو تلحگ علیه

***

الف لومه الدهر بزنی و لومات

خطیتی ابرگبت الغاصب ولومات

حبل الوصل مدیته ولومات

اشوکت یخرجنی من بیر المنیه

***

 

جاسم ثعلبی (الحسانی) 17/01/1394


برچسب‌ها: ابوذیات مغردات
+ نوشته شده در  دوشنبه هفدهم فروردین ۱۳۹۴ساعت ۱۹:۴۴ بعد از ظهر  توسط جاسم ثعلبی حسانی الساری  | 

ابوذیات غارگات

ابوذیات غارگات

توسّع جرح گلبی او زاد ولمه

او جعلنی الوکت للبدذات ولمه

بعد ما ضل صبر للروح والمه

الصبر ملّانی شگ جرحی بدیه

***

غرگ گلبی ابصبر و ابنذر ولمای

غسلته او ما کفانی السدر و المای

اون لیلی او نهاری او کثر ولمای

الاخوا گانص لی اطیح ابیا ردیه

***

تحزّم و اسلت ابسیفک و فر بیه

او دوی ابنار عذّالک و فر بیه

الدهر خاتللک ابجارک وفربیه

ذوبه مستعد یشمخ علیه

***

اسهام الذل علی ترمی و صدهن

حدید او من صفر شدهن و صدهن

وصل للگلب منبتهن و صدهن

الگلب عاص او نکث کل سهم بیه

***

 

جاسم ثعلبی (الحسانی) 16/01/1394


برچسب‌ها: ابوذیات غارگات
+ نوشته شده در  یکشنبه شانزدهم فروردین ۱۳۹۴ساعت ۱۹:۵۸ بعد از ظهر  توسط جاسم ثعلبی حسانی الساری  | 

ابوذیات مبارکات

ابوذیات مبارکات

اهمومی اشلون اداویهن و الفهن

 الفرح ما بلسم ادناهن و الفهن

الف عالجته باحزانی و الفهن

و الف دولابه متحمله علیه

***

اکاسر و اخرج ابغیضک وردلک

هدیت او اهدی بسماتی وردلک

اذا مطلوب الک قادر و اردلک

حلال او مال هم یسهل علیه

***

الف مبروک اخی ابعرسک ودارک

علی واجب اجی البیتک و دارک

اتشکر جیت لفعالک و دارک

یضل تذکار حبک دوم الیه

***

جاسم ثعلبی (الحسانی) 13/01/1394

 

 


برچسب‌ها: ابوذیات مبارکات
+ نوشته شده در  جمعه چهاردهم فروردین ۱۳۹۴ساعت ۱۳:۲ بعد از ظهر  توسط جاسم ثعلبی حسانی الساری  | 

دارمیات ترحیب

دارمیات ترحیب

مرحب بالمحبین او مرحب بالاصحاب

گلبی انتشع یا ناس من دگوا الباب

***

فرحانه اهلنه الیوم مبتسمه الاشجار

ضیف او عرس و افراح مجتمعه بالدار

***

اهلا و سهلا بیک جیت ابفرحنه

متعنی من ابعید و اتهنی اهلنه

***

هاک الگلب والروح هاک الوصیه

لا تضن یوم انساک لتعم علیه

***

تختل ختل واتصید و اعیونک اسهام

ما شفت لحظه النوم امنهد اول العام

***

ما احب اجبرک  یوم بس گلبی وداک

لا والله ما ناسیک او لا اخرب اویاک

***

 

جاسم ثعلبی (الحسّانی) 14/01/1394


برچسب‌ها: دارمیات ترحیب
+ نوشته شده در  جمعه چهاردهم فروردین ۱۳۹۴ساعت ۱۳:۲ بعد از ظهر  توسط جاسم ثعلبی حسانی الساری  | 

ابوذیات لامعات

ابوذیات لامعات

اهمومی ابطن گلبی ابمشط یفلن

اوحسافه الی اودهن غفل یفلن

السبب انت الگطعت الوصل یفلن

او قبلت اتکسر ارچابی و ادیه

***

القبل لم الشمل لبعید ینظار

او یطوف الازمه بالناظور ینظار

الیضر الناس لابد یوم ینظار

قبل کل موت تاتیه البلیه

***

انکسر جرن النطح خوته و ذلهم

عوج ما طاع اوامرهم و ذلهم

یطیع الحق اذا منهم و ذلهم

احترامه ایزید من رب البریه

***

تزف تشرد تدگ حنضل و انه الهم

البلونه اقسم اطشرهم و انه الهم

اعتقد بختی القصف حیهم و انه الهم

هذوله ایهود ما الهم خطیه

***

تلملم تشتم الجلّک و ناجاک

خبیث او ما الک صاحب و ناجاک

یصیر السماء ایدگ لرضه و ناجاک

هذاک الوکت ذب ضیمک علیه

***

 

جاسم ثعلبی (حسّانی) 12/01/1394


برچسب‌ها: ابوذیات لامعات
+ نوشته شده در  چهارشنبه دوازدهم فروردین ۱۳۹۴ساعت ۱۲:۵۵ بعد از ظهر  توسط جاسم ثعلبی حسانی الساری  | 

ابوذیات سادیات

ابوذیات سادیات

اعلوج الفردشوا باروا وراهم

او جرّوا خیبة الذله وراهم

فگدهم ما کسر عزمی وراهم

الهم الناس تنسبهم الیه

***

ابتعد یلّی گطعت الوصل ودراک

او تلفت الخیر ذمه ابحگر و دراک

بعت لهل المصایب ظفر ودراک

او صرت دمیه بید انس اخرطیه

***

عوج ما ینعدل طبعک و اصلحک

خبیث او ما تحن واتگر واصلحک

وصل شگه الزمن مایل واصلحک

الدهر یمتحن لا تحمگ علیه

***

اشگ و الحم و اخیط الباط بالناط

و اسوم البیه رده و الشاط بالناط

امد و ارخی ابامر محتاط والناط

و اطوف الغیض لو یحثر بدیه

***

اشم واکتم مصایب غدر و امهال

وصل ودی الدلال الجمر و امهال

ابو صرت التبعنی ابعدل و امهال

الکرمنی او ما یود یغضب علیه

***

انحمس گلبی ابلحن غیضک و جورک

غافل ما تحس باصلک و جورک

عنید او نابت ابخبثک و جورک

اشمجرک تضل تدلل علیه

***

 

جاسم ثعلبی (الحسانی) 10/01/1394


برچسب‌ها: ابوذیات سادیات
+ نوشته شده در  دوشنبه دهم فروردین ۱۳۹۴ساعت ۱۴:۲۰ بعد از ظهر  توسط جاسم ثعلبی حسانی الساری  | 

غزل ارموش الاشاره

غزل ارموش الاشاره

حفرت اهموم گلبی ابنظرت الشمات

او لبست الچفن بیدی او گمطّت روحی

ارید انزل ابگبری او خل یطمنی الموت

و اعذب اهل المگابر من کثر نوحی

البیت املغم ابموج الجرف بارتال

او ملح لومات ذرلی او سودن اجروحی

یدگ باطواب حزنی او خدّر الملچوم

او صاروخ المذر ضل ینزل اسلوخی

الزمان اشماله ناطر دمعة اشته ابللیل

اللیل اویه النهارالسطّر احروفی

القلم مل الکتابه او عاتب الملاح

و ارموش الاشاره اعلی النصر توحی

تعال اتهنه بینه یا دهر یا غیث

او حزم بیت المحارب عازم ابموحی

 

جاسم ثعلبی (الحسانی) 09/01/1394


برچسب‌ها: غزل ارموش الاشاره
+ نوشته شده در  یکشنبه نهم فروردین ۱۳۹۴ساعت ۱۳:۵۳ بعد از ظهر  توسط جاسم ثعلبی حسانی الساری  | 

ابوذیات و هوسه عملاقه بحق اخوتنه الصرخه فرهاد و اخوته

ابوذیات و هوسه عملاقه بحق اخوتنه الصرخه فرهاد و اخوته

الصرخه همه الی بیرق وانه الهم

یگلبی اعلی الهجر منهم وانه الهم

اشکرهم تاج صارولی و انه الهم

هدوا تاجین ما منوا علیه

***

ابو صافی ابوصف صافی و داره

شیخ او یستر ابگومه و داره

المجلس یشهد افعاله و داره

انیس او تشهد الوادم الیه

***

ابو صافی انیس السهر مامال

ابیوم الضیج مثل الجبل ما مال

اجیتک حاسب الف احساب مامال

اخو خال او صدیج اشهد علیه

***

اشکرکم یخوتی الصرخه و اهل الزود

حبل وصل الموده ابجودکم ممدود

ابوناهی الشتل بالجنه نخلاته

و ابو صافی الشهم مزیونه چلماته

ما هزه الزعل حاکم ابدیوانه

یدگ امثال بیده او یلهم السانه

معروف ابعشایر و ابزلم وابخیل

و ابو اسعید عضیده الماینام اللیل

یحل کل مشکله ابلحظه او یطفیهه

او یشیل اهموم اخوته او یفتخر بیهه

خاله او نعم خاله امعزب الیمشون

ابو اجلیل کریم امزین الماعون

حگی لو مدحت امدلل السانی

و ابو جعفر یخصکم بیهه عنوانی

بوجود المشایخ راسی رفعیته

الساده اهل الفخر و ابدمی کتبیته

طریت الدرب متعنی عشرتهم

ذکرت ابیوم حزنی الخوله جرتهم

ابفرهاد او علی متعلیه هالرایه

اهلهه او نعم اهل مختومه الحچایه

و اشکر من اخوتی و الگلب مسرور

و الناسینه منهم بالسفر معذور

و اشکر هالشباب الحضرت اویانه

صدقان اوگرایب بینه فرحانه

نتمنی القدر یمهلنه شوفتکم

نجبر بالفرح و انعلی رایتکم

مگیوله  او گال الحسانی

ما ضاع الحق بیه نیشانی

بیه سیف او دله او عنوانی

امعدل والله امعدل و انت الملزومه

جاسم ثعلبی (الحسانی) 05/01/1394

 

 

 


برچسب‌ها: ابوذیات و هوسه عملاقه بحق اخوتنه الصرخه فرهاد و اخ
+ نوشته شده در  چهارشنبه پنجم فروردین ۱۳۹۴ساعت ۱۳:۶ بعد از ظهر  توسط جاسم ثعلبی حسانی الساری  | 

دارمیات خطبه او فرح

دارمیات خطبه او فرح

دگ دگتین ارداف گلبی اعلی مودک

ما حسبت فد یوم تفتح حـــــــدودک

***

اهلا وسهلا بیک و اهلا بالویاک

گلبی ابرساله الیوم ودیته ماجاک

***

خطبه او فرح و ابعید جتنه البشایر

صوت الفرح مسموع بگلیبی طایر

***

عون الله اجبرک یوم یالقدرتـــــــــنه

غالی او طرحت الروح بالعز سمتنه

***

ضیف  الشفالی للروح سیّر علینه

زفانا بالافراح من کل مدیــــــنه

***

شال الحزن هالیوم من جیت الاحباب

من رحبت للضیف جرح الگلب طاب

***

طرینه سبع اشطوط و الصرخه اهلنه

ما قصروا فد یوم من دگ حمـــــلنه

***

اشکرهه حیل ابصوت من کل الاحــباب

سید ، شریف ، او شیخ من کل الانساب

***

جاسم ثعلبی (الحسانی) 05/01/1394

 

 


برچسب‌ها: دارمیات خطبه او فرح
+ نوشته شده در  چهارشنبه پنجم فروردین ۱۳۹۴ساعت ۱۳:۶ بعد از ظهر  توسط جاسم ثعلبی حسانی الساری  | 

تحیة اخویه للافراح

تحیة اخویه للافراح

دقت الاجراس ، و تلالات النجوم ، و ازدادت البهجه

و اتی الربیع ، و تطایرت الفراشات فی سماءالود

و الازدهار ، ان الاوان ، و تلاشت الاحزان ، و تظافرت

اهل الری والتیجان ، بغرس الورد فی الودیان،

جئناکم یا اخوتنا و ابنا عموتنا ، یا احفاد ماضینا و مستقبلنا،

سهلتم الطریق ، و اهدیتم العقیق ، زدتم والله و زاد الله الفرح

فی محاریکم ،مخلصین معکم فی السراء و الضراء ،

و نشکرکم شکرا جزیلا ، و نکرر کلام الحق ،

ما جزاء الاحسان الا الاحسان ، نیابتا عن ساداتنا و مشایخنا ،

و کل من حضر معنا و استجاب دعوتنا .

اخوانکم بیت :

جاسم ثعلبی (الحسانی) 05/01/1394

 

 


برچسب‌ها: تحیة اخویه للافراح
+ نوشته شده در  چهارشنبه پنجم فروردین ۱۳۹۴ساعت ۱۳:۵ بعد از ظهر  توسط جاسم ثعلبی حسانی الساری  | 

غزل تحب لو ما تحب

غزل تحب لو ما تحب

تحب لو ما تحب اشرلی بهدای

جاوب لا تذب ضیمک علیه

بارموش الجفن ارسل سهم موت

الخاطر ربک اکشف لی الغضیه

کتبت اشعار لجلک گلبی شب نار

ولک من الصبر ضگت المنیه

سمیتک مطر و اتفلش ارتال

سیل اهموم حبک شد ادیه

غریج او بالبحر ماسکنی الزود

او موج ادموع عینک مسرحیه

تعال اکتب اکرهک خلنی ارتاح

علی اطرش صرت صبح او مسیه

ادا اتحب صدگ واعدنی بالخیر

عوف المستحی او عوف الشچیه

لا تبعد بعید او خاطر انساک

ولا تتگرب او تنهی القضیه

جاسم ثعلبی (الحسانی) 04/01/1394

 

 


برچسب‌ها: غزل تحب لو ما تحب
+ نوشته شده در  سه شنبه چهارم فروردین ۱۳۹۴ساعت ۱۹:۲۷ بعد از ظهر  توسط جاسم ثعلبی حسانی الساری  | 

ابوذیات سنن وآداب

ابوذیات سنن وآداب

عزیز انت او کلامک صیت شرنه

ابسوگ الحب ابغالی الثمن شرنه

حضرت ابکل فرحنه او ضیم شرنه

او ترید الیوم تدلل علیه

***

اجیتک حامل افراحی و ناحی

ولا اعابی الکسر ظهری و اناحی

علیک اکثر بچت عینی و ناحی

شجاک اشغیر اطباعک علیه

***

خبر عندی تفسره ابعگل و ابرای

اریدک کالسفینه او عمد و ابرای

تگدر تکمل المشوار و ابرای

اشماغ  الراس من تجبل علیه

***

حنابندون ما عدنه بصلنه

او کلام الاب شرع ینقل بصلنه

رسوم الغربه مذمومه بصلنه

او نرید الخوه من اصل اعربیه

***

جاسم ثعلبی (الحسانی) 02/01/1394

 

 


برچسب‌ها: ابوذیات سنن وآداب
+ نوشته شده در  یکشنبه دوم فروردین ۱۳۹۴ساعت ۲:۲۰ قبل از ظهر  توسط جاسم ثعلبی حسانی الساری  | 

غزل اذا گلبک یودنی

غزل اذا گلبک یودنی

اذا گلبک یودنی خلنی ناطـــــــــــــــور

و احس بادموع عینک و اجلس احذاک

او حتی الچای من جمر الحسد فار

و اذوب ابکتر دمّک و اذهب اویاک

صبغت ازلوف دربک و انا معتاز

و ابیین لک حبیبی واید اهواک

یمر اللیل اسولف و احسب انجوم

الخاطر شوفتک مستانس الگاک

تالیتک حرامی اتصیح الناس

تجرهم للعثگ بس الله یبلاک

تدلیهم علی الثمره او تشب نار

او تسب ابلا خجل زم یاهو وداک

تذکر واعدتنی السکرت الموت

او تذکر من گلت ما ضنتی انساک

شجاک او حطمیت الدله والدار

او حرگت اسم المضایف من هو وزاک

لا تحسب صدیق او خوه لا دین

احسبنی انسان مثلک و اذکر ارباک

***

جاسم ثعلبی (الحسّانی) 02/01/1394

 

 


برچسب‌ها: غزل اذا گلبک یودنی
+ نوشته شده در  شنبه یکم فروردین ۱۳۹۴ساعت ۱۷:۵۷ بعد از ظهر  توسط جاسم ثعلبی حسانی الساری  | 

غزل سعر الحبیب

غزل سعر الحبیب

یا ویل عیب الشوگ عتبات

تصفی الغنایم للضیوف ضحیه

یا من لها من ویل و اهات

یمتاز فیها الجنون شریه

سعر الحبیب بالقیل شامات

شمس الضحی والعیون شریه

بیت العذر مسدر اکحیلات

والطول نخله و العطور هنیه

یا ونت الماعنده بات و اهمات

مثل الحمامه بالجمال بریه

دق الجرس والکحول صولات

اغزت بنات الناس و اتت وصیه

سابت نجوم اللیل و الشات

نار او شرار و الزمور خبیه

دار الندامه و الامکار ملهات

تجنی الاشاوس  بالاوکار حمیه

حوف الرماک بالنهار مرّات

حل الحلال و اهل الضال ثریه

ضربات ربّک للغدار ماسات

یضحک تراه و الجروح خفیه

یا من کسبت الجاه بصمات

طیع الفلاح و الذنوب ردیه

حب الاله البات ما مات

نصر السیوف بالشدات هدیه

الشاعر: جاسم ثعلبی (الحسانی) 01/01/1394

 

 

 

 

 


برچسب‌ها: غزل سعر الحبیب
+ نوشته شده در  شنبه یکم فروردین ۱۳۹۴ساعت ۱۴:۱۰ بعد از ظهر  توسط جاسم ثعلبی حسانی الساری  | 

ابوذیات نجم اللغات

ابوذیات نجم اللغات

الفهم مثل الذهب بالعین ینقاس

فتی ابکل القضایه ابساس ینقاس

غنیمه او جاه بالاحساس ینقاس

یهدمون المحن باجمل هدیه

***

الدنیا ایاک  لا تقبل وعدها

سجن للمومن او تارک وعدها

المهم متحذر الطگها و عدهه

یودهه الباع صیته ابلاهویه

***

عجیبه العاف تاجه او لبس ململ

ابنصیحه السانی من الهمس ململ

من صوت الرعید انخلس ململ

اللبد بکتارهن ماله خطیه

***

الدهر نچباته بیه اثّرن و العن

اسهامه ابنارهن دمّرن و العن

رمح بالگلب صاب الجفن والعن

او رمح بالراس والرابع بدیه

***

جاسم ثعلبی (الحسانی) 01/01/1394

 

 

 


برچسب‌ها: ابوذیات نجم اللغات
+ نوشته شده در  شنبه یکم فروردین ۱۳۹۴ساعت ۱۴:۹ بعد از ظهر  توسط جاسم ثعلبی حسانی الساری  | 

غزل بنت المعیدی

غزل بنت المعیدی

بحر سد الدرب واشلون ازور اهوای

و اضباع الفله تبرالی عالشاطی

ارد اردود حاشتنی السباع ابغیض

اذا افوج البحر یستاحش ازماطی

الهوی طوفان مثل الجبل سد الشوف

او دخان المصایب حش زلف ماطی

شدانی الوکت مثل الطفل بالحاف

او لف لفنی ابعذابی او شد شد اگماطی

غرگت ابحلم حبی او صحت یا ستار

جاوبنی الصدا من صوتی متعاطی

بس بنت المعیدی اترش نفط عالنار

او تهمتنی ابحچیهه اعلی الخلگ صاطی

ولک یا سطوه یا حب یا غدر یا طیف

حریر اثیابک او تابعنی الغاطی

 

جاسم ثعلبی (الحسانی) 29/12/1393


برچسب‌ها: غزل بنت المعیدی
+ نوشته شده در  جمعه بیست و نهم اسفند ۱۳۹۳ساعت ۱۶:۱۸ بعد از ظهر  توسط جاسم ثعلبی حسانی الساری  | 

غزل عتاب مع الحبیب

غزل عتاب مع الحبیب

یریت ارجع طفل لجلک یمحبوب

و امشیلک زحف حتی اوصل احذاک

تعزنی الناس کلهه او مالی رداد

و ابوسک بالحلگ و اشبع حچی اویاک

و احل بیدی الشعر و اکشف نجم غاب

و اداوی اجروح گلبی ابهمست اشفاک

احس ابگلبی علوه اتغثنی باللیل

السبب شنهی حبیبی او گلبی راداک

لا چلمة صدگ عندک ولا شوگ

یذوب ابلعنة الله الگایل انساک

جمر حبک حرگنی او شوفتک عید

یمته او یا وکت قاولنی الگاگ

تتدلل علی و اتهزنی بالعین

خطفنی الشیب قل لی الحدمن ارجاک

عینک من صخر وارموشک ارماح

ترمینی ابغفل و اتگلی اهواک

ولک حتی الحدید ایذوبه الفراگ

عمت عینی اعلی گلبی الحامل اجفاک

الصبر علمته صبره او طومر اویای

یهدم اجبال فگری اوصبری غثّاک

احب ناطور اضل یم عتبت الباب

و اشوف ابیا سبب و الخنته اذذاک

اعتقد کل شی ابوجودک مرود او سیف

او تگص ارگاب ربعک و الله یبلاک

صعب کلّش صعب طبعک یمجنون

علی گلبی المهشّم فگری دلّاک

تنام اللیل مرتاح او تجر طور

و انا ابحلگ الشماته او حلمی زفّاک

انا اتحسّد النایم و احسب انجوم

مثل سمچه اببحر مسجونه باسلاک

حسافه اتدهورت لجلک یمیشوم

و انت امکیف او ناسینی طرواک

الوفا بالدنیا عینی الاخره اعمال

چا یمته آنا اشوفک گبری راداک

چا یمته انا اشوفک واگعد احذاک

جاسم ثعلبی (الحسانی) 27/12/1393

19/03/2015

 

 


برچسب‌ها: غزل عتاب مع الحبیب
+ نوشته شده در  پنجشنبه بیست و هشتم اسفند ۱۳۹۳ساعت ۲۰:۲ بعد از ظهر  توسط جاسم ثعلبی حسانی الساری  | 

هوسات هلی

هوسات هلی

هلی دیوانهم جنه هلی مرتفعه رایتهم

هلی یوم الکلافه اسباع بالصولات غیرتهم

هلی من حیدر الکرار الشهاده التبنی عزتهم

عید اکبر لو مات ابیومه

***

هلی دله او مضیف او سیف هلی بالحومه وفایه

هلی متحده بالقران هلی بیرق للولایه

هلی مثل الگمر بالغیم ما دنگ او ضم رایه

یحتار الما حسب بیهه

***

هلی مثل الگصب بالهور متعلین شیمتهم

هلی مثل الجبل ناطور و ایمثلون قدرتهم

هلی گمگم گهوته اتفوح و ایقدرون عشرتهم

و الما گدرها ایغص بیهه

***

هلی مثل النجم باللیل متحدین بالثایه

هلی کلمن غزاهم مات و امطهرین الولایه

هلی شاهدهم المنیور اخذهه منی الحچایه

للظالم  طوب او طیاره

***

 

جاسم ثعلبی (الحسانی) 27/12/1393


برچسب‌ها: هوسات هلی
+ نوشته شده در  چهارشنبه بیست و هفتم اسفند ۱۳۹۳ساعت ۱۴:۳۹ بعد از ظهر  توسط جاسم ثعلبی حسانی الساری  | 

ابوذیات صارخات

ابوذیات صارخات

القلم کسّرته بیدی ابسحت و ابچت

القصیده امن القوافی ارتخت و ابچت

جعلت اکنوز نظمی ابشلت و ابچت

دواوین الشعر نامن علیه

***

طلقه العین صارت لک و عت لک

الف زمزیر صحّت لک لک و عت لک

شجاع ابروضة الحاکم وعت لک

البراز اعلیک و انا الدف علیه

***

شچت للرب ظلمنه ونت هلنه

درینه العز ملکنه ونت هلنه

رمز للعزه ذچرک ونت هلنه

نعیش اویاک و انموت سویه

***

ترکت الما حسبلی احساب و ابری

بری من کل کلامه ابقسم و ابری

سلب من ذاتی حتی الخیط و ابری

یعرینی او یذب لومه علیه

***

النشاما الما شچت للضیم حیهم

ابدماهم شتلوا الصرخات حیهم

الغادرهم یثبت رکن حیهم

وگفه ایموت وایبوس المنیه

***

جاسم ثعلبی (الحسانی) 27/12/1393

 

 

 

 


برچسب‌ها: ابوذیات صارخات
+ نوشته شده در  چهارشنبه بیست و هفتم اسفند ۱۳۹۳ساعت ۱۴:۳۸ بعد از ظهر  توسط جاسم ثعلبی حسانی الساری  | 

ابوذیات تخص الخوال

ابوذیات تخص الخوال

البشر وکت الشداید کون کاظم

العنید او صوته یحرگ شجرکاظم

ذکرت الخال و اکد علی کاظم

الیعادی الناس ما یملک ثنیه

***

الصبر مر مرهم المجروح و الخال

ظریف او یشفی المطروح و الخال

ابیوم الکون اخوی الحضر و الخال

الصبر مثل الاخو یحزن علیه

***

شخلت البیه رده للناس منخال

حشا السامع نهگ ما صهل منخال

اعتقد جاری الحسب والنسب منخال

کدیش او ما یفکر بالقضیه

***

ابقهر و ابفرح خالی اویای یربای

اذکره ابیوم شاه ادوای یربای

احاه یادار وین ارحلوا یربای

شالو وین ما منهم وصیه

***

جاسم ثعلبی (الحسانی) 26/12/1393

 

 


برچسب‌ها: ابوذیات تخص الخوال
+ نوشته شده در  سه شنبه بیست و ششم اسفند ۱۳۹۳ساعت ۲۰:۲۸ بعد از ظهر  توسط جاسم ثعلبی حسانی الساری  | 

غزل زیل الشکه

غزل زیل الشکه

زیل الشکه عنّی و انعل الشیطان

اخوک او ابن عمک وارجه معروفک

ابدیوان القصاید ثبتت منوای

و اشوفک بالغلط تغرگ او ما اعوفک

تتمرجح علی مثل الطفل جنیت

و ابنار الغرب متخبی ما اشوفک

کتلنی المستحی والغیره و الشمات

او باب الخوه نازل من سدر طوفک

اشد و ارگع مشاکل و انت نایم لیش

قاضی ابکل سمای او خایف ایحوفک

ابن سید العشیره او ما اهاب الموت

تذکر همتی من رکس مشحوفک

هذا انا الحنین ابدمی اکتب فوت

دگت الباب تخجل من تجی احروفک

شتلتنی الحساده او صرت بیضه ابطین

اذا احوس انکسر و اتحنه بازلوفک

 

جاسم ثعلبی (الحسانی) 26/12/1393 


برچسب‌ها: غزل زیل الشکه
+ نوشته شده در  دوشنبه بیست و پنجم اسفند ۱۳۹۳ساعت ۲۳:۳۶ بعد از ظهر  توسط جاسم ثعلبی حسانی الساری  | 

غزل ادموع الحزین

غزل ادموع الحزین

صح عندک جمال ایخبل الیمشون

بس عندی الوفاء او عندی الامل رایه

تحوچ اتخربص او تشتل زعل بالعین

اشبناک اتدث غضب ما عندی تچایه

هاک انثر مطر و ازرع شلب بالسوگ

ما یکفی الختل بالصبخاء رمایه

ادیه اترش عنب و اتسالم البلام

ما اریدن عبرتک گمری الولایه

 الهدالک نار کبری اتضن ختل بالغیم

علی اعثوگ النخل و ابگلبه دگ ثایه

تشوف الناس رمده و الوکت چانون

شرار احزانها او بالگمر شچایه

غرگ مرکب فرحنه او عانقاه المای

و ادموع الظلم بالدله صب چایه

الدهر کتر خواته او حاسباه العوز

لو دگ التفگ تشرد الحمایه

حلم تبغی الغنایم و الضباع السود

او یبغی ابن الوطن واجنوده وفایه

او یبغی ابن الاصیله الحامل الرایه

جاسم ثعلبی (الحسانی) 25/12/1393

 

 


برچسب‌ها: غزل ادموع الحزین
+ نوشته شده در  دوشنبه بیست و پنجم اسفند ۱۳۹۳ساعت ۱۴:۰ بعد از ظهر  توسط جاسم ثعلبی حسانی الساری  | 

غزل القمر

غزل القمر

روح او داعت الله او لا تعود ارجوک

لان بیدک گلب مجروح طمیته

سمعت اتگول احبک بس حچی بالسان

هذا الحب یغاشم وین تالیته

تفتل بالفتن و امعلی صیتک فوگ

لا همک شجاع او لا اعزوبیته

تعال اشنط کلامی و ارتکب ماسات

ولک حتی النفس من عندی سدیته

المای الدار و الموگد نزف للموت

عطشانه الشطوط ابکثر چالیته

تعال اشتم هوانه او ما نهاب الغیض

متعلگ نصرنه ابزود حوریته

رجال الحاربت بالدله و الفنجان

ما تنقص بواری للستر بیته

هذول احفاد حیدر و الدرب مفتوح

الغصبهم والله زایل لثگه بالحیته

الگمر متهنی دایم لو سقط ما غاب

زوده امن الشمس و امعلی چفیته

زوده امن الشمس وابظلمه زفیته

جاسم ثعلبی (حسّانی) 25/12/1393

 

 

 


برچسب‌ها: غزل القمر
+ نوشته شده در  دوشنبه بیست و پنجم اسفند ۱۳۹۳ساعت ۱۱:۴۲ قبل از ظهر  توسط جاسم ثعلبی حسانی الساری  | 

غزل ما عندک وفه

غزل ما عندک وفه

بسّک لا تفخخ گلبی کله اطواب

اخاف اعلیک من تغفل یثنیلک

یهدم ارکان حبنه او یشعل النیران

و ابطلقات ما ترحم یغنیلک

نذرتک جوز منّی او لا تطم البیر

خل مایه العذب من دمعی یسگیلک

ما عندک وفه او تتعیل اچندوب

الحدمن یا محب غافل واواسیلک

تبسّم للفدالک روحه و الدلال

او حطه ابدون منّه او خله ابعینک

تتجاسر علی و اتوز ذلال اشباح

ما اخاف الغدر ناظر و اهنیلک

ودی اشما ترید اتحارب اهل الجود

حمام الدوح طایر صوته یرویلک

اذا جیشک عمامک و الحسد و العوز

انا جیشی الشجر و البحر یحچیلک

 

جاسم ثعلبی (الحسانی) 24/12/1393


برچسب‌ها: غزل ما عندک وفه
+ نوشته شده در  یکشنبه بیست و چهارم اسفند ۱۳۹۳ساعت ۱۸:۸ بعد از ظهر  توسط جاسم ثعلبی حسانی الساری  | 

ابوذیات الضیوف

ابوذیات الضیوف

ارحب بالگصدنه ابشرف فاضــــــل

یستاهل مکانه الگلب فاضــــــــــــل

حضرنه او من علینه ابعرس فاضل

نشارک یوم بفراحه الزهــــــــــیه

***

هله باللبه دعوتنه و سرنــــــــــــه

او علی اعناد الدهر هلهل و سرنه

بنه دار الفرح عدنه و سرنــــــــه

عزیز او شوفته عنت علــــــــیه

***

تمرحب یالضفتنه او جیت و احلیت

او زلت کل الهموم او طبت و احلیت

مثل سمچه ابشبچ خاورت و احلیت

ابجاهک والفرح گوطر علیـــــــه

***

الگمر و انجومه ضافانه و مرنه

او زال اهموم عشرتنه و مرنـــه

علی احباب الگلب سرنه و مرنه

او عزمنه الشمس مطبگ و الثریا

***

جاسم ثعلبی (حسّانی) 25/12/1393

 

 

 


برچسب‌ها: ابوذیات الضیوف
+ نوشته شده در  یکشنبه بیست و چهارم اسفند ۱۳۹۳ساعت ۱۸:۸ بعد از ظهر  توسط جاسم ثعلبی حسانی الساری  | 

غزل حب و عذاب

غزل حب و عذاب

تروح او داعت الله او خلنی اموت اویاک

اسجنّی ابغمزه وحده او دمّر اسنینی

وینه الشد گذلته ابرایة العباس

وینه الگال من اضطر یسلینی

عفت المستحی او عفت العهد و القول

اندفن بالسکته ذاتک ما تحاچینی

صرت مغزل تدور اعلی الغزل دوّار

لفنی الضیم منّک ما تشچینی

اصیح الله و اکبر و انت بیدک سیف

سهم وسط الگلب عارک امدمینی

ادگ احدود حیطان ابموانع نار

اطمیعی اتحوف دلالی او تعازینی

اخبرک مانی سید و البخت بالراس

اشور بیک اشور بشره خلینی

حسافه العمر خلص و الگبر مفتوح

چا علمته اشلونه الیاذینی

چا علمته اشلونه القصف عینی

جاسم ثعلبی (الحسانی) 23/12/1393

 

هدیه الی صادق البوغبیش


برچسب‌ها: غزل حب و عذاب
+ نوشته شده در  شنبه بیست و سوم اسفند ۱۳۹۳ساعت ۱۸:۳۷ بعد از ظهر  توسط جاسم ثعلبی حسانی الساری  | 

ابوذیات عتاب و القاب

ابوذیات عتاب و القاب

استعد للصادقک و املک و خیلک

ستر صایر لک او اهلک و خیلک

جعل گلبه جسر لجلک و خیلک

ضباع اعداک تلفتّه ابردیه

***

احبک واحب طاریک و حیاک

واحب اتمر علی طارش و حیاک

انکرتنی او عاشرت غیری و حیاک

اشفت منّی او ترکت الهم علیه

***

الروح اتفشکلت لجلک و طارت

تخزّن بالفکر سارت و طارت

اسدن عیله گالو ذیچ طارت

اسدن ذیچ های اتعم علیه

***

من هو الدردش افکارک و جارک

او جعل صیت الخلگ دارک و جارک

اختبر عقل العلم ناصح و جارک

روایت حق تضل صامت بدیه

***

 

جاسم ثعلبی (الحسانی) 22/12/1393


برچسب‌ها: ابوذیات عتاب و القاب
+ نوشته شده در  شنبه بیست و سوم اسفند ۱۳۹۳ساعت ۱۸:۳۶ بعد از ظهر  توسط جاسم ثعلبی حسانی الساری  | 

غزل حب و غرام

غزل حب و غرام

ما احس اببرد لو انت یمی اتصیر

ولا احس ابعذاب او انت تبرالی

مثل مای العذب تصعب علی العطشان

سکوتک دهورانی ابقوه شل حالی

اود اویاک اسولف و اکشف الاسرار

احب افضح غرام امن اول او تالی

الحد من ما تواسی او لابد اچندوب

انهض و اندعیلی و انصر امالی

اودک و اقبل اباسمک مزاری صار

امن افراگک حبیبی انزرف دلالی

دگ باب الحزن خل یشرد امن البین

او کض الورده بیدک و اجلس احذالی

الف بوسه التطلبک و الف شمة لیل

لو انام اعلی نارک والله اشوالی

کف المستحی و اکتب علی الجدران

احبک یا حبیبی انقذنی یالغالی

جاسم ثعلبی (الحسانی) 22/12/1393

 

 

 


برچسب‌ها: غزل حب و غرام
+ نوشته شده در  جمعه بیست و دوم اسفند ۱۳۹۳ساعت ۱۷:۴۹ بعد از ظهر  توسط جاسم ثعلبی حسانی الساری  | 

مطالب قدیمی‌تر